• ×

11:35 صباحًا , الأربعاء 19 ديسمبر 2018

فيديو هذا الشهر

القوالب التكميلية للأخبار

ارقام هامة

  1. امن الدولة 990
  2. الدوريات الامنية 999
  3. المرور 993
  4. الدفاع المدني 999
  5. الهلال الاحمر 997
  6. بلاغ تجاري 1900
  7. بلاغ البلدية 940
  8. بلاغات الصحة 937
  9. امن الطرق 996
  10. مكافحة المخدرات 995
  11. نجم للحوادث 920000560

تهنئة بالنجاح

زيادة حجم الخط مسح إنقاص حجم الخط
 تهنيئ عائلة آل قنيعير كل الناجحين والناجحات من طلاب وطالبات العائلة في جميع المراحل الدراسية للعام الدراسي 1429/ 1430هـ وتتمنى لهم التوفيق في حياتهم الدراسية القادمة .

image



الفرح طـِقـّت طـْبـوله وعمّ السرور = وماحلا ياليالي الصيف طعم النجاح

النفـوس إمتلت يوم النجاح حبور = وإنتشت عـقـب ماهي في جهاد وكفاح

يوم حفـل النجاح والحبايب حضور = والسعد بان بشفاه الخلايق ولاح

البلابل تغـّـنت مع جميع الطيور = والشجر قام يرقـص مع هـبوب الرياح

والعذاري بغنجهـن يشعلنّ البخور = والأماكن ملاها العطر والعطر فاح

ومرت الذكريات اللي بوقـت البكور = يوم كل ٍ على فاله يقـوم الصباح

آحد ٍ في سرور وآحد ٍ في دبور = آحد ٍ نام واحد ٍ طار نومه وراح

راح ينهل معين العلم والعلم نور = بين جد وحماس وبين ونس ومزاح

والله ان الدراسة ذكريات ٍ تدور = في زوايا خفـوق ٍ صار كبر البراح

كثر مافي الدراسة من وقـوف وعـبور = كثر مافي الكراسي من تعب وارتياح

ومرّت أيام وأيام وسنين وشهور = ناس نالوا فلاح وناس مامن فلاح

وعـقـب طيّ الصحايف مابه أحْـد معذور = من توفـق توفـق وإنتهى وإستراح

ومن تعـثرّ عـساه اليوم أتلى عـثور = والعوض في الليالي المقـبلات الملاح

الحفـل تنحفـر ذكراه وسط الصدور = وكل ناجح لبس له يوم حفـله وشاح


وكم بنات وشباب ٍ بالحماسة تثور = نجْحَوا وْكل منهم خف حمله وطاح

عمّت الفـرحة اشفاهـم وزاد السرور = واطلقـوا للوناسة والسعادة جناح

والله ان النجاح يفـوق وصف وشعور = وطعمه أحلا من الماي الزلال القـراح

في ليالي النجاح نشوف لهـفة حضور = وكل شي ٍ سوى اللي حرم الله مباح

ذاك زين الشباب وذيك بدر البدور = كل منهم تهلل وإعـتلاه إنشراح

ألف مبروك ياللي بالظفـر لك ظهور = ياعسى الله يدلك صوب درب الصلاح

ياعسى هالنجاح لك حجاب ٍ وسور = عن دروب الضلال وجعل دربك سماح

والفرح طِقــّت طـْبوله وزاد الحبور = وماحلا ياليالي الصيف طعم النجاح
بواسطة : إدارة الموقع
 4  0  2458
التعليقات ( 4 )

الترتيب بـ
الأحدث
الأقدم
الملائم
  • #1
    07-17-2009 06:17 مساءً ناصر بن خير آل قنيعير :



    الله يبارك بعمركم

    والف مبروك للجميع
  • #2
    07-17-2009 08:15 مساءً محمد ابراهيم محمد آل قنيعير :
    http://www.almedan.net/cards1/cards/nja72.jpg
    السلام عليكم ورحمة الله وبركاته:\"

    كمهورائع جمالاالحصادالمثمر

    عندما تزف إليك البشرى بخبر جهد عام كامل من السهر والتعب

    عندها فقط تشعر وكان الدنيا لاتسع فرحتك وان هذه الفرحة كافية لإسعاد الناس

    النجاح الطريق الجميل الذي يبحث عنه الجميع وما اجمل النجاح
    فقد وصلني اليوم خبر نجاح رجال وفتيات آل قنيعير ومن ضمنهم اخوتي واريد ان ازف الفرحه والابتسامه على جميع الناجحين من اخوتي ومن جميع عائله آل قنيعير ودمتم بخير وتفوق
  • #3
    07-26-2009 03:45 صباحًا عبدالرحمن بن عبدالله القنيعير :
    الف مبروك وعقبال الدرجة العالية لكل اسرة ال قنيعير

    شكرا ابا سطــــــــــــــــــام
  • #4
    09-06-2009 05:39 مساءً ال قنعير :



    الف مبروووك القنيعير كله مبرووك

    هذي قصيدة عجبتني عن النجاح وحبيت اضيفها لان هالحين موسم نجاح ما شاء الله تبارك الرحمن
    وان شاء الله تعجبكم


    طول ايام السنة عالنت منرزين
    وشطارتنا كلها ماتطلع الا الحين
    وبالدراسة كلش محنا مفتكرين
    وللواجب من الصبح ناقلين
    ولنص الليل حضراتنا سهرانين
    وفي الحصص كلنا نايمين
    وفي الاختبارات كلنا مزفتين
    يقولون كسالى قلنا شاطرين
    قالوا نجحتون قلنا حلمانين
    وطول الحصص سرحانين
    وبالغذا دايماً مفكرين
    سألوا فهمتوا؟ قلنا فاهمين
    قالوا اختبار قلنا يا معين
    وجت الفسحة وانقلبنا مجانين
    ناكل اكلنا وبالماي لاعبين
    نركض ورا بعض مثل البعارين
    واذا هربنا قالوا وين رايحين
    قلنا الكفتيريا وصرنا للمشرفة مشرفين *
    قالت هلا حلاتكم منورين
    وبرزت الاوراق وصرنا خايفين
    وعطتنا القلم وعالتعهد موقعين
    ويجي المنتصف ونقول راسبين
    ونوصل للعملي وللكربون ناتجين
    ونقدم النهائي واحنا فزعانين
    وعقب اسبوع الشهادة مستلمين
    ونشوف الدرجات وايدنا عالقلب حاطين
    باركوا لينا احنا ناجحين
    باركوا لينا جايبين ستين

    اخوكم : ناصر فهد ناصر مزياد عبيد هباس حضير ال قنيعير الشمري ........























جميع الأوقات بتوقيت جرينتش +3 ساعات. الوقت الآن هو 11:35 صباحًا الأربعاء 19 ديسمبر 2018.